Ta’ Kera Loppa

 

Ta’ Kera Loppa

Puisi Madura: Yant Kaiy

 

duh… guru…

buru apangrasa

abdina raja parotangan

sabben are ajunan aburuk

nanceppaghi elmo

mateppa’ se korang sepa’

madepa’ pangaoningan

 

guru…

salanjenga ajunan ngaparloagi

mapenter abdina

tak parduli ojen-panas

tak ngarep belessen

teros maloros pekker

se seggut abdina posang

 

ta’ cokop pamator sakalangkong

dheri talebet bennya’ pangatahuan

se ampon abdina kaolle

sampe’ daddi oreng molje tor parjuga

 

tade’ belessen se bisa abdina eatoragi

nanging coman pandu’a

ka Allah subhanahu wata’ala

samoga ajunan eparengi

gilian rahmat dunnya-aherat

 

duh… guru…

tak kera elang sadheje

amal becce’ ajunan…

salanjenga omor teptep

ebuntel eate

sampe’ nyabe tapesa raga.

 

Pasongsongan,17/5/2022